Ներկայումս հայտնի է մակաբույծ և ազատ ապրող կլոր որդերի մոտ 24 հազար տեսակ։
Ազատ ապրող կլոր որդերը հանդիպում են ամբողջ աշխարհում՝ բևեռներից մինչև արևադարձային շրջաններ։ Նրանք ապրում են քաղցրահամ և աղի ջրով ջրամբարներում, տարբեր խորություններում և հատակային հողում։ Հողաբնակ կլոր որդերը կարևոր դեր են խաղում ցամաքային բոլոր էկոհամակարգերում։
Կլոր որդերի շարքում կան բազմաթիվ մակաբույծներ՝ կենդանիների և բույսերի տարբեր խմբերի։Կլոր որդեր, նեմատոդները երկկողմանի համաչափ, չհատվածավորված, ընդլայնական կտրվածքը կլոր է (այստեղից էլ՝ անվանումը)։ Պատված է հարթ կամ օղակաձև, ամուր կուտիկուլայով, որի տակ տեղադրված է հիպոդերմը։ Արյունատար և շնչառական համակարգ չունեն։Սովորաբար բաժանասեռ են։ Բազմանում են ձվադրությամբ, որոշ տեսակներ կենդանածին են։ Սնվում են բակտերիաներով, ջրիմուռներով, դետրիտով, կան նաև գիշատիչ ձևեր։